«Кселл» АҚ 100 млн теңге жұмсауды жоспарлап отыр «интернетте жарнама және ақпараттық материалдар орналастыру бойынша қызметтерге».
Тиісті лот «Самрук-Қазына» ҰӘҚ» АҚ электронды сатып алу порталында жарияланды. Қызметті сатып алу ашық тендер тәсілімен жүзеге асырылады.
«Тапсырыс беруші орындаушыға activ әлеуметтік желілеріндегі (VK, Facebook, Instagram, TikTok, Telegram) аккаунттарды мемлекеттік және орыс тілдерінде кешенді SMM сүйемелдеу, ілгерілету, әлеуметтік желілердің танымал топтарында/пабликтерінде жарнамалық жазбалар орналастыру және тапсырыс берушінің өтінімінде көрсетілген, оның ішінде: әлеуметтік желілерде жазбалар мен басқа да жарияланым форматтарын орналастыру, аккаунттарды жүргізу стратегиясын әзірлеу, бейнероликтерге идеялар әзірлеу және оларды түсіру бойынша қызметтер көрсетуді тапсырады», - деп көрсетілген техникалық сипаттамада.
Орындаушы қызметтерді шартқа қол қойылған сәттен бастап бір жыл ішінде ұсынуы тиіс. Барлық материалдар екі тілде – қазақ және орыс тілдерінде болуы керек.
Сонымен қатар, жарияланым алдында орындаушы барлық материалдарды тапсырыс берушімен электронды пошта арқылы келісуі тиіс. Сондай-ақ ол әлеуметтік желілердегі барлық аккаунттардағы жарияланымдар бойынша толық ай сайынғы есеп беруге міндетті.
Естеріңізге сала кетейік, бұрын хабарланғандай, «Кселл» АҚ фото және бейнетүсірілім қызметтерін сатып алуға тендер өткізуде. Лот сомасы 262 986 236 теңгені құрады. Келісімшарт шарттарын бір жыл ішінде орындау қажет болды.