ҚР су ресурстары және ирригация министрлігінің Су шаруашылығы комитеті Нура топтық су құбырын қайта жаңарту жобаларына мониторинг жүргізуде.
Тамыз айының басында ведомство өкілдері Егіндікөл және Қорғалжын аудандарындағы авариялық учаскелерді тексерді.
Министрліктің хабарлауынша, Ақмола облысында топтық су құбырының авариялық учаскесінің 68,7 км құбырын төсеу аяқталды.
Жақын арада су құбырына Ұзынкөл, Буревестник, Полтавское және Егіндікөл ауылдары қосылады.
Жантеке және Тоғанас ауылдары бұрын жаңа су құбырына қосылғаны хабарланады.
Келесі қадам Ұзынкөл ауылынан Егіндікөл ауылына дейінгі учаскеде жұмыстарды бастау болуы тиіс.
Биыл жалпы топтық су құбырларын салу және қайта жаңарту бойынша 30 жобаны іске асыру уәде етілуде, бұл 1,4 млн адамды ауыз сумен қамтамасыз етуді жақсартуға мүмкіндік береді.
Еске сала кетейік, биылғы жылдың маусым айының соңында Су шаруашылығы комитетінің төрағасы Арсен Жақанбаев Ақмола облысы әкімінің орынбасары Елдос Рамазановпен бірге екі жылдан бері ауыз сусыз өмір сүріп жатқан Егіндікөл тұрғындарының алдында сөйледі.
Сол кезде әкім орынбасары жергілікті тұрғындарға судың 1 тамызда болатынына уәде берді.
«Міне, су ресурстары комитетінің төрағасы, мемлекеттік қызметші отыр, ол былай дейді – мен жеке, дербес осы су үшін жауап беремін, 1 тамызда, құдай қаласа, болады. Міне, мердігер отыр, ол 1 тамызға дейін су береміз дейді. Мен сіздердің эмоцияларыңызды түсінемін. Екі жыл екенін түсінемін. Кімнің жауапты екенін түсінемін», — деді Елдос Рамазанов.
Айта кетейік, Егіндікөл аудандық орталығында су беру әлі қалпына келтірілген жоқ.
Еске сала кетейік, 2020-2021 жылдары Егіндікөл және Қорғалжын аудандарындағы топтық су құбырының авариялық учаскелерінде қайта жаңарту жүргізілген болатын. Жобаның жалпы құны сол кезде 503,2 млн теңгені құрады.