Таңертең 29 қазанда Атыраудағы Авангард-2 шағын ауданында Sulpak тұрмыстық техника дүкенінің қазандығында газ-ауа қоспасының жарылысы болды. Бір адам зардап шекті, екі жеңіл автомобиль зақымданды.
ЖАРЫЛЫС ҚАЙДА БОЛДЫ
Атырау облысының төтенше жағдайлар департаментінің (ТЖД) мәліметтері бойынша, Sulpak тұрмыстық техника дүкенінің қазандығы үш қабатты ғимаратқа жалғасқан.
Жарылыс толқыны оқиға орнынан 12 метр қашықтықта орналасқан көппәтерлі үйдің терезелерін қағып түсірді. Сондай-ақ екі жеңіл автомобиль зақымданды.
Бір адам жарақат алып, ауруханаға жатқызылды.
ОҚИҒА ОРНЫНДА ҚАНДАЙ ҚЫЗМЕТТЕР ЖҰМЫС ІСТЕП ЖАТЫР
Оқиға орнында құтқарушылар, полиция қызметкерлері, төтенше жағдайлар министрлігінің (ТЖМ) Апат медицинасы орталығының мамандары және әкімдік өкілдері жұмылдырылған.
Оқиғаның себептері анықталуда.
КОНТЕКСТ
22 қазанда Алматыдағы Esentai City тұрғын үй кешенінде газ-ауа қоспасының жарылысы болды. Оқиға кезінде үйде бес адамнан тұратын отбасы болған.
Үш бала жеңіл жарақат алды. Мүлік иелері бірлестігі (МИБ) төрағасының айтуынша, оқиға фактісі бойынша қылмыстық іс қозғалған.
