«Атырау мұнай өңдеу зауыты (АМӨЗ)» аумағында 25 тамызда механикалық тазарту құрылыстарының тұндырғышында мұнайшламның тұтануы болды. Өрт толығымен сөндірілді, зардап шеккендер жоқ.
НЕ БОЛДЫ
АМӨЗ баспасөз қызметінің мәліметінше, тұтану 12:35-те жабық типтегі механикалық тазарту құрылыстарының (МТҚ) тұндырғышында болған. Оқиға кезінде нысанда жұмыстар жүргізілмеген.
Тұндырғыштың ішінде мұнайшлам — мұнай өндіру және өңдеу процесінде пайда болатын қалдықтар тұтанған.
АМӨЗ-де оқиға кәсіпорын жұмысын тоқтатпағанын хабарлады. Зауыт әдеттегі режимде жұмыс істеуді жалғастыруда.
ӨРТ ҚАЛАЙ СӨНДІРІЛДІ
Төтенше жағдайлар министрлігінде (ТЖМ) оқиға туралы сигнал құтқарушыларға 12:55-те түскенін хабарлады. Оқиға орнына жоғары деңгейдегі шақырту бойынша күштер мен құралдар жіберілді.
Өртті сөндіруге 65 адам жеке құрам және ТЖМ-нің 19 бірлік техникасы, «Семсер өрт сөндіруші», АТМА әуежайы және NCOC компаниясының ӨҚҚ қатысты. Оқиға орнында тартылған күштер мен құралдарды үйлестіретін жедел штаб жұмыс істеді.
ӨРТ ҚАШАН СӨНДІРІЛДІ
13:42-де құтқарушылар өртті оқшаулап, оттың таралуын тоқтатты. Кейін тұтану толығымен сөндірілді.
ТЖМ мәліметінше, оқиға салдарынан зардап шеккендер жоқ. Өрттің себептері анықталуда.
