В Абай облысында жеңіл автокөлік үш адаммен дала жолында еріген су ағынына тап болды. Көлік жыраға тұрып қалып, ішіндегі адамдар өз бетімен шыға алмады. Құтқарушылар оларды эвакуациялап, жақын маңдағы елді мекенге жеткізді.
АВТОКӨЛІК ҚАЛАЙ СУ АҒЫНЫНА ТАП БОЛДЫ
ҚР Төтенше жағдайлар министрлігінің (ТЖМ) мәліметі бойынша, жеңіл автокөліктегі ер адамдар Ақсуат ауданында дала жолымен келе жатады.
Бір мезетте автокөлік еріген су ағынына түсіп, жыраға кетті. Адамдар одан өз бетімен шыға алмады.
Көлікте үш адам болған.
ҚҰТҚАРУ ОПЕРАЦИЯСЫ ҚАЛАЙ ӨТТІ
ҚР ТЖМ деректері бойынша, құтқарушылар оқиға орнына жету үшін шамамен 40 шақырым жол жүруге мәжбүр болды.
Оқиға орнында олар адамдарды көліктен эвакуациялап, жақын маңдағы елді мекенге жеткізді.
Ведомство зардап шеккендер жоқ, ешкімге медициналық көмек қажет болмағанын хабарлады.
СЕМЕЙДЕ ЕРІГЕН СУҒА БАЙЛАНЫСТЫ НЕ БОЛЫП ЖАТЫР
Сонымен қатар Семейде су сору және су басудың алдын алу жұмыстары жалғасуда.
Семей әкімдігінің хабарлауынша, су басуды жоюға 250 адам жұмылдырылған. Қосымша көмек ретінде ҚР ТЖМ 68303 әскери бөлімі тартылған.
Қалада түнгі ауысымда 65 бірлік техника жұмыс істейді.
Жергілікті биліктің деректері бойынша, мамандар тәулік бойы суды сорып, оны қауіпсіз аймақтарға бұруды жалғастыруда.