Жезқазғанда жылу-сумен қамту кәсіпорнының қызметкерлері еңбек жағдайларын жақсартуды талап етіп, наразылық акциясына шықты.
Telegram-арнасының «ZTB|QAZAQSTAN» мәліметінше, коммуналдық қызметкерлердің шығуының басты себептерінің бірі төмен жалақы болған.
«Коммуналдық қызметкерлердің айтуынша, орта есеппен олар қолына 220 мың теңге алады, бірақ көпшілігіне сақтандыру төленбейді, сондықтан адамдар дәрігерге қарала алмайды», - делінген хабарламада.
Сонымен қатар, кейбір қызметкерлер зейнетақы аударымдарын төлеу мәселесіне тап болады. Олардың сөзінше, осыған байланысты олар ипотека рәсімдей немесе несие ала алмайды.
Өз кезегінде кәсіпорын басшылығы мен қала әкімі коммуналдық қызметкерлерді «шыдауға» шақырады.
Еске сала кетейік, мамыр айында Құлсары қаласында адамдар митингке шыққан еді. Шамамен 300 адам шатыр тігіп, аудандық әкімдіктің жанында түнеген. Қала тұрғындары үкімет уәде еткен 240 мың теңге орнына, су тасқыны кезінде су басқан үйлерінің әрбір шаршы метрі үшін 400 мың теңгеден төлеуді талап еткен.
6 күннен кейін митинг аяқталды. Наразылық білдірушілер митингтің арандатушылық пен саясилануынан қауіптенгендіктен, оны аяқтау туралы шешім қабылдағандарын мәлімдеді.