ҚР Цифрлық даму, инновациялар және аэроғарыш өнеркәсібі министрлігі (ЦДИАӨМ) қазақстандықтардың дербес деректерінің тарауына байланысты "Бірыңғай жинақтаушы зейнетақы қоры" АҚ (БЖЗҚ), "Қазақтелеком" АҚ және "Air Astana" әуекомпаниясын тексереді.
Ведомство баспасөз қызметінің деректері бойынша, бүгінгі күні ЦДИАӨМ ҰҚК және "Мемлекеттік техникалық қызмет" АҚ бірлесіп, ұялы байланыс операторларының ақпараттық қауіпсіздік жай-күйіне талдау жүргізуді аяқтады.
"Компромация фактілері анықталған жоқ, компаниялар отандық ақпараттық қауіпсіздік жедел орталықтарымен қорғалған және "Мемлекеттік техникалық қызмет" АҚ Ұлттық ақпараттық қауіпсіздікті үйлестіру орталығымен тығыз байланыста жұмыс істейді", - делінген хабарламада.
Еске салайық, бұған дейін ҚХР қоғамдық қауіпсіздік министрлігінде жаппай деректер тарауы болды. Құпия әңгімелер мен жедел деректері бар файлдар GitHub хостингінде қолжетімді болды. Жарияланған файлдар арасынан Қазақстандық байланыс операторлары Beeline, Altel және Қазақтелеком абоненттерінің жеке деректері де табылды.
Сонымен қатар, таратылған файлдар арасынан 2019 жылғы БЖЗҚ ақпараты және "Air Astana" әуе тасымалдаушысы туралы мәліметтер табылғаны хабарланды.