Новосібірде ірі көлемде алаяқтық жасағаны үшін халықаралық іздеуде жүрген Қазақстан азаматы ұсталды.
Polisia.kz мәліметінше, өткен жылдың жазғы маусымында күдікті Алматыдағы сауда үйлерінің бірінде техника сатушы болып жұмыс істеген.
Ол ұялы телефондар мен аксессуарларды сату сылтауымен жергілікті тұрғындарды алдап, олардың мүлкін иемденіп, келтірілген залал 20 млн теңгеден асқан.
Еске сала кетейік, 2024 жылдың желтоқсанында ҚР Бас прокуратурасы алаяқтық үшін қылмыстық жауапкершілікке тарту мақсатында Өзбекстан азаматшасын Ресейден экстрадициялады.
Күдікті Алматыдағы құрылыс компаниясында бухгалтер болып жұмыс істеген. Оның заңсыз әрекеттерінің салдарынан Алматының 80-нен астам тұрғыны зардап шегіп, келтірілген залал 3,7 млрд теңгеден асқан.