Бас прокуратура қызметкерлері Түркиядан құқық қорғау органдарының бұрынғы қызметкерін экстрадициялады. Ол трансұлттық ұйымдасқан қылмыстық топ құру, құмар ойын бизнесін заңсыз ұйымдастыру және лауазымдық өкілеттіктерді теріс пайдалану ісі бойынша іздеуде болған.
Ведомство баспасөз қызметінің мәліметінше, 2015–2016 жылдары күдікті Шығыс Қазақстан облысының мемлекеттік органдарының бірінде басшылық лауазымды иеленіп, заңсыз құмар ойын бизнесіне қамқорлық жасағаны үшін ақшалай сыйақы алған.
Қылмыстар жасағаннан кейін фигурант 7 жыл халықаралық іздеуде болды. Өткен жылдың қаңтарында ол Измирде (Түркия) ұсталып, Қазақстан Бас прокуратурасының сұрауы бойынша экстрадицияланды. Қазіргі уақытта күдікті тергеу изоляторына орналастырылды.
Қылмыстық топтың басқа мүшелері әртүрлі мерзімге бас бостандығынан айыруға сотталды. Тандалған әрекеттер үшін заңнамада мүлкін тәркілей отырып, 12 жылдан 20 жылға дейін бас бостандығынан айыру түріндегі жаза көзделген.
Еске сала кетейік, бұған дейін Түркиядан бірнеше рет алаяқтық жасағаны үшін іздеуде болған Қазақстан азаматы экстрадицияланған еді. Оның әрекеттерінен 52 адам зардап шегіп, олар 70 млн теңгеден астам қаражаттан айырылған.