«СК-Фармация» ЖШС Мәжіліс депутаты Бақытжан Базарбектің Бас прокуратураға фармацевтика саласындағы Жоғары аудит палатасы (ЖАП) жүргізген аудит барысында анықталған фактілер бойынша мәлімдемесіне түсініктеме берді. Бұған дейін депутат өз өтінішінде «СК-Фармация» дәрі-дәрмектер мен медициналық бұйымдарды нарықтық бағадан 40%–365% жоғары бағамен сатып алғанын көрсеткен еді.
Жауап ретінде компания хабарлағандай, ЖАП аудиті барысында анықталған бұзушылықтарды жою, сондай-ақ сатып алу және логистикалық процестердің ашықтығын арттыру бойынша шаралар қабылдануда.
«Біздің бастамамызбен нормативтік-құқықтық актілерге бірқатар өзгерістер енгізілді. <…> Бұл шаралар адал бәсекелестікті дамытуға, қызмет құнын төмендетуге және ашықтықты арттыруға бағытталған, бұл өз кезегінде жеткізілімнің жетіспеу қаупін азайтады. Сонымен қатар, Бірыңғай дистрибьютордың нормативтік-құқықтық реттеуі мен бизнес-процестеріне бірқатар стратегиялық өзгерістер енгізу бойынша жұмыс жүргізілуде», - делінген хабарламада.
«СК-Фармацияда» өз қызметіндегі кемшіліктерді анықтауға және жоюға ашық екендіктерін, алайда ресми тексеру аяқталғанға дейін мерзімінен бұрын айыптаулардан бас тартуға шақыратындықтарын мәлімдеді.
Сондай-ақ, аудит қорытындысы бойынша «СК-Фармация» ЖШС Бас прокуратураға бірқатар жеткізушілердің, сондай-ақ әлі 2023 жылы қабылданған нормативтік құқықтық актілердің әрекеттеріне құқықтық баға беру туралы ресми өтініш жолдағаны атап өтілді. Компанияда бұл дәрі-дәрмектер мен медициналық бұйымдарды сақтау және тасымалдау шығындарының күрт өсуіне әкеп соқты деп есептейді.
Айта кетейік, осы аяда «СК-Фармацияда» басшылық ауысты, алайда бұл кадрлық шешімдердің ЖАП аудитінің нәтижелерімен байланысы ресми түрде расталған жоқ. Компанияның басқарма төрағасы болып бұрын Шымкент қалалық денсаулық сақтау басқармасын басқарған Нұрлыбек Асылбеков тағайындалды.
Еске салайық, Мәжіліс депутаты Бақытжан Базарбек Жоғары аудит палатасының аудиті барысында анықталған фактілер бойынша Бас прокуратураға мәлімдеме жолдаған болатын. Өтініште «СК-Фармация» ЖШС, Дәрілік заттарды сараптау ұлттық орталығы, Бірыңғай дистрибьютор және фармацевтика саласының басқа да қатысушыларының қызметі туралы сөз қозғалады.