Сауда және интеграция министрі Арман Шаққалиев мәжілісмен Лүкбек Тумашиновтың жазғы және қысқы уақытқа қайта көшу туралы ұсынысына пікір білдірді.
Informburo.kz деректері бойынша, Мәжіліс отырысында депутат Шығыс Қазақстан облысының тұрғындарынан бірыңғай уақыт белдеуі туралы көптеген сұрақ түсетінін айтты.
«Біз сіздің жауабыңызды (петицияға) мұқият тыңдадық. Бұл халықтың наразылығын тудырды, себебін өзіңіз де білесіз. Мен сізге осы мәселенің шешімін айтқым келеді – бір кездері бізде қысқы және жазғы уақыт болды. Қалай да бейімделу керек. Неліктен біз халықтың ашуын келтіреміз? Бұл ертең үкімет пен депутаттарға абырой әпере ме?» – деп сұрады мәжілісмен.
Өз кезегінде министр денсаулыққа қатысты шешімдер тек ғылыми зерттеулерден кейін ғана қабылданатынын айтты. Сонымен қатар, ол депутаттың ұсынысы назар аударуға тұрарлық екенін мәлімдеді.
«Мұндай тәжірибе болған. Депутаттың ұсынысы назар аударуға тұрарлық және қарастырылуы мүмкін. Бірақ сонымен бірге атап өтейін, петиция қорытындысы бойынша комиссия шешім қабылдады – әсер ету нәтижелерін анықтау және оларды жүйелі негізде ғылыми қорытындыға формализациялау үшін уақыт қажет», – деді ведомство басшысы.
Уақыт ауыстыру нұсқаларын билік тек зерттеулерден кейін ғана қарастыра алатыны, бұл зерттеулер 3 жылға созылуы мүмкін екені атап өтіледі.