Қазақстанның ең бай кәсіпкерлерінің бірі Владимир Кимнің тағы бір қызы - Кристина Лондонның Мэйфэйр ауданында £19,3 млн (11 млрд теңге) құнындағы жылжымайтын мүлікке ие.
Telegram-арнасының «Выход к морю» деректері бойынша, 21 жастағы Кристина Ким 2022 жылдың мамыр айында сәнді пәтер сатып алған. Шамамен 500 м² аумақта үш жатын бөлме, қонақ бөлме, асханасы бар ас үй, төрт дәретхана орналасқан.
Пәтерлерден басқа, тұрғын үй кешенінің тұрғындарына бассейн, шарап жертөлесі, фитнес-орталық, кинотеатр, спа, косметолог қызметтері, кітапхана және тәулік бойы күзет қызметі қолжетімді.
Айта кетейік, бұрын Кристинаның үлкен әпкесі - Камилла Ким көршілес 6 қабатты ғимаратты £10 млн (шамамен 5,6 млрд теңге) сатып алған. Бұл жылжымайтын мүлік Камилла Кимге оның 18 жасқа толуына сыйға тартқан Лондондағы екі пәтерінен әлдеқайда арзанға түскен. «The Knightsbridge Apartments» резиденциясындағы жалпы ауданы шамамен 300 м² болатын екі нысан £14 млн (шамамен 7,8 млрд теңге) тұрған.
Сонымен қатар, оған «One Hyde Park» резиденциясындағы пәтер тиесілі екені белгілі болды - риелторлардың пікірінше, бұл әлемдегі шаршы метріне шаққандағы ең қымбат жылжымайтын мүлік орналасқан үй. 2017 жылы пәтер £27,5 млн (шамамен 15,3 млрд теңге) сатып алынған.
Владимир Ким жылжымайтын мүлікті жақын туыстарының атына ресімдеуге мәжбүр болған деп болжанады, себебі оның Ресейде жұмыс істейтін компанияларының бірі - алтын өндіруші «Баимская» ГДК АҚШ санкциясына іліккен.
Владимир Кимнің қыздарының Лондондағы жылжымайтын мүлкінің жалпы құны £90 млн (шамамен 51 млрд теңге) жеткені атап өтіледі. «Выход к морю» есептеуі бойынша, бұл миллиардер Ким мен оның серіктестерінің барлық компанияларының Қазақстандағы су тасқынынан зардап шеккендерге көмек көрсетуге жұмсаған қаражатынан 10 млрд теңгеге жуық артық.