3 қыркүйектен 1 қазанға дейін Павлодар облысының бес ауданында үй құстарының жаппай қырылуы тіркелді. Ресми мәліметтер бойынша, 1 713 бас құс өлді.
БАҚ хабарлағандай, ең көп шығын Тереңкөл ауданына тиді — 863 құс. Щербакты ауданында 442 жағдай, Железин ауданында — 311, Ақтоғай ауданында — 57, ал Ертіс ауданында — 40 жағдай тіркелді.
Облыстық ветеринария басқармасы басшысының орынбасары Ғалым Бейсенов өлген құстардың материалдары алынып, Астанадағы Ұлттық ветеринария референттік орталығына жіберілгенін хабарлады. Зерттеулер құстардың жоғары патогенді тұмауы, Ньюкасл ауруы, пастереллез және сальмонеллез бойынша жүргізілді.
12 қыркүйектегі талдау нәтижелері бойынша аталған аурулардың бар екені расталмады. Қазіргі уақытта қайта зерттеу үшін орталыққа қосымша сынамалар жіберілді.
Еске салайық, бұған дейін Солтүстік Қазақстан облысының Бугровое ауылында да үй құстарының жаппай қырылуы тіркелген болатын (https://t.me/fund_anticorr/9545). Бір апта бойы жергілікті тұрғындар күн сайын кем дегенде 15 өлі қаз жинағаны айтылды.