Мәжіліс депутаты Сергей Пономарев Алматыдағы Сейфуллин даңғылы мен Тимирязев көшесінің қиылысында 40 қабатты ғимарат салуға қарсы шықты.
Өзінің Instagram-парақшасында ол хабарлағандай, бұдан бөлек, нысанның жанына тағы бес 10 қабатты ғимарат салу жоспарлануда. Құрылыспен «RAMS» құрылыс компаниясы айналысады.
«Иә, біз түсінеміз, бұл шаршы метрлер, салықтар және жұмыс орындары, бірақ бұл үлкен орталық қажет пе? Аудан әйтеуір инфрақұрылыммен, әлеуметтік нысандармен қатты жүктелген. Мұнда ауруханалар, мектептер, емханалар жетіспейді», - делінген хабарламада.
Мәжілісмен «RAMS» құрылыс компаниясы өз уәделерін орындамай отыр деп мәлімдейді. Оның айтуынша, бұған дейін компания өкілдері «RAMS City» тұрғын үй кешенінің жанынан Жандосов көшесінен Өтепов көшесіне дейін Кіші Алматы өзені бойымен екі шақырымдық сквер салуға уәде берген.
«Ал біз не көріп отырмыз? Жеке сектор сүрілмеген, ештеңе жоқ, мектеп салынбаған, аурухана салынбаған», - деді депутат.
Мәжілісмен мұнда да осыған ұқсас жағдай болуы мүмкін деп алаңдаушылық білдірді.
Еске салайық, бұған дейін Сергей Пономарев хабарлағандай, 2021 жылы мемлекеттік бюджет есебінен салынған алматылық крематорий әлі күнге дейін пайдалануға берілмеген. Оның сөзінше, құны 1,5 млрд теңге болатын нысан денсаулық сақтау министрлігіне қажетсіз болып шыққан.