Алматы прокуратурасы уәкілетті органдармен бірлесіп, қоғамдық тәртіпті бірнеше рет бұзғаны белгілі «Manhattan» тұрғын үй кешенінде екі айлық тексеру жүргізді.
Ведомствоның баспасөз қызметінің мәліметінше, рейдтік іс-шаралар барысында әрбір пәтер бойынша меншік иелері, олардың жұмыс орындары, байланыс деректері, тіркелген қарудың болуы, жауапкершілікке тартылу фактілері, сондай-ақ тұрғын үйді жалға беру туралы мәліметтер көрсетілген дерекқор қалыптастырылды.
Тексеру барысында шамамен 1000 құқық бұзушылық анықталды, оның ішінде:
- көші-қон заңнамасын бұзудың 120 фактісі;
- қоғамдық тәртіпті бұзудың 98 жағдайы;
- заңсыз жалға берудің 114 фактісі;
- жақындық қызметтерін көрсету үшін пайдаланылған 22 пәтер;
- жол жүрісі ережелерін бұзудың 567 жағдайы;
- алкоголь өнімдерін заңсыз сатудың 7 фактісі.
Прокуратурада жұмыс полиция және басқа да мемлекеттік органдармен бірлесіп жүргізілгенін атап өтті. Оның мақсаты — қала тұрғындарының қауіпсіздігін қамтамасыз ету, құқықтық тәртіпті жақсарту және мегаполис тұрғындарының өмір сапасын арттыру.