Ақмола облысындағы Қоянды ауылының әкімдігі БАҚ-та тараған көшелердің су басуы туралы хабарламаларды жоққа шығарды.
«Бірқатар БАҚ-та Қоянды ауылында дренаждық жұмыстар жүргізілмеуі салдарынан көшелердің су басуы туралы айтылған мәліметтер шындыққа жанаспайды», - деп хабарлады әкімдіктің баспасөз қызметі.
Қояндыда, су тасқыны қаупі бар басқа елді мекендердегідей, су басу қаупін азайту бойынша жұмыстар жүргізіліп жатқаны атап өтілді.
«Бүгінгі таңда Қоянды ауылында көшелердің шайылуы тіркелген жоқ, қарды шығару бойынша тәулік бойы жұмыс жүргізілуде. Кенесары көшесінен қар толығымен шығарылды. Ауылда жол жұмыстары бекітілген жобаларға сәйкес жүргізілуде», - делінген хабарламада.
Әкімдікте биылғы жазда ауылда траншея қазылып, бұл үй маңындағы аумақта су деңгейін 30-40 см-ге төмендетуге мүмкіндік бергенін түсіндірді.
«Ауыл аумағында профилактикалық шараларды уақтылы қабылдау мақсатында шамамен 11 км траншея қазылып, 88 су өткізгіш құбыр орнатылды, бұл ауылдан суды жалпылама шығаруды ұйымдастыруға мүмкіндік береді», - деп хабарлады әкімдікте.
Сонымен қатар, жоба сараптамада түзетіліп жатқаны және келісу рәсімдері аяқталғаннан кейін іс-шаралар жалғасатыны атап өтілді.