Күндердің күнінде Ақмола облысы Бұрабай ауданының тұрғындарын бір жаңалық таңғалдырып тастады, облыстық прокуратура жеке меншіктен алып қоюды шешіпті деп, «Бұрабай» мемлекеттік ұлттық табиғи паркінің (МҰТП) меншігіне бұрын заңсыз түрде ұлттық парк жерлерінен шығарылған 1000 астам жер телімін беруді көздепті.
«Tirazh kz» АА деректері бойынша, 2023 жылы Ақмола облысының прокуратурасы «Бұрабай» МҰТП аумағында берілген жер телімдеріне тексеру жүргізген. Тексеру барысында 1060 телім иелеріне заңсыз берілгені анықталған. Сонымен қатар, «тәуекел аймағы» деп аталатынға 2003 жылы ұлттық парк құрылғанға дейін жекешелендірілген телімдер де іліккен.
Жергілікті тұрғындар «Nayza Kokshe» АА-на айтқандай, олардың телімдеріне «Бұрабай» МҰТП және жер комитетінің өкілдерінен құралған комиссия келіп, кейбір «құпия құжаттарға» сүйене отырып, жерлерді жеке меншіктен алып қоюы мүмкін екенін мәлімдеген.
Ал Бұрабай ауданы әкімінің орынбасары Бегахмет Махметов журналистерге қазіргі уақытта комиссия жерлерге мониторинг жүргізіп жатқанын, яғни жер теліміне меншік құқығының түрін, оның мақсатты тағайындалуын, игерілген-игерілмегенін т.б. анықтап жатқанын хабарлады.
Биылғы жылдың қыркүйек айында Бұрабай аудандық мәслихаты бекітілген қала құрылысы құжаттары бойынша өзінің алдыңғы кейбір шешімдерін күшін жойғаны белгілі, атап айтқанда, «Светлый» санаторийі шағын ауданының, «Щучинский» санаторийі шағын ауданының және ішінара Бұрабай кентінің егжей-тегжейлі жоспарлау жобасын (ЕТЖЖ) бекіту туралы шешімдер күшін жойған.
Алайда прокуратурадан жерлерді алып қою ниеті туралы ресми мәлімдемелер болған жоқ, ал аудандық әкімдік бұл мәселе бойынша өзінің құзыретсіздігін мәлімдеген. Жағдайға анықтық енгізу және үрейленген халықты тыныштандыру мақсатында 7 қарашада Ақмола облысы прокурорының орынбасары Марат Бақтыбекұлы жер телімдерінің иелерімен кездесті.
Оның айтуынша, ешкім жергілікті тұрғындарды жеке меншік құқығынан айырмақ емес. Прокуратура ұлттық парк аумағында заңсыз берілген жерлердің санын анықтау және жергілікті атқарушы органдардың жұмысын жақсарту мақсатында тексеру жүргізген. Бұл ретте ведомство тізімге енген телімдерді иелерінен алып қоюды көздемейді.
Кездесу барысында жергілікті тұрғындардың өздері жер телімдерінің ықтимал алынуы туралы оларға «ауызекі ақпарат» арқылы белгілі болғанын айтты. Кейін олар түсініктеме алу үшін жергілікті билікке жүгінген, онда оларға жерлерді алып қояды деп растаған көрінеді.
Облыстық прокурордың орынбасары жеке жер телімдері тұрғындардың меншігінде қалатынын, тек игерілмеген жерлер ғана МҰТП меншігіне қайтарылатынын бірнеше рет қайталауға мәжбүр болды.
Жергілікті тұрғындардың арасынан біреу (мүмкін, әкімдік өкілдерінің де) білместіктен адамдарды адастырып, қала тұрғындарының алаңдаушылығына себеп болған және жергілікті биліктің халықпен байланысының жеткілікті сапалы құрылмағанын тағы бір рет көрсеткендей әсер қалдырады.
Өз тарапынан ФБРК редакциясы Ақмола облысының прокуратурасына ресми сұрау салып, жағдайға анағұрлым егжей-тегжейлі түсініктемені, әдеттегідей, алғашқы көзден алуды көздеп отыр.
Жалғасы бар…