В Жамбыл облысында Қызыл кітапқа енген қарақұйрықты атып алған браконьер сотталды. ORDA хабарлағандай, қаңтар айында сотталушы Сарысу ауданында жылқы іздеген. Дүрбімен ол қарақұйрықты көріп, жануарды атып алды. Осылайша ол мемлекетке 4 430 400 теңге сомасында ірі залал келтірді. Сотталушы кінәсін толық мойындады.
«Сот үкіміне сәйкес, ҚР ҚК 337-бабы 4-бөлігінің 2, 4-тармақтарында көзделген қылмыстардың жиынтығы бойынша кінәлі деп танылып, 3 жылға шартты түрде сотталып, 7 жылға аңшылық қызметпен айналысу құқығынан айырылды, тұрғылықты жері бойынша пробация қызметінде мінез-құлқын бақылау белгіленді», — делінген хабарламада.
Ер адамның ұсталғаны биылғы жылдың қаңтарында белгілі болды. Сонда браконьер 31 жастағы бақташы екені хабарланған болатын. Ол заңсыз аңға отбасын азық-түлікпен қамтамасыз ету үшін шыққан көрінеді. Оның қолынан құқық қорғау органдары сериялық нөмірі өшірілген «ИЖ» маркалы 12 калибрлі аңшылық мылтықты тапты.