Қарағанды облысы Нұра аудандық мәслихатының депутаты Серік Бекмағамбетов ұсақ бұзақылық үшін жауапқа тартылды. Оны 15 тәулікке қамаумен қатар, халық қалаулысы екі бап бойынша қылмыстық істің фигурантына айналды.
Zakon.kz мәліметінше, 21 қазанда Қарағанды облысы Ахметауыл кентінде мас ер адам 60 жастағы жергілікті тұрғынға қарумен қорқытқан. Полиция қызметкерлері 38 жастағы депутатты анықтап, ұстаған.
«Қорқыту» және «атыс қаруын заңсыз алып жүру» баптары бойынша қылмыстық іс қозғалды. Қазіргі уақытта жәбірленушінің барлық дәлелдері мұқият тексерілуде. Қылмыстық іс Қарағанды облысы полиция департаменті басшылығының бақылауында», – деді Қарағанды облысы ПД баспасөз қызметі.
Еске сала кетейік, өткен жылдың қыркүйегінде Ақтөбе қалалық мәслихатының депутаты Сәния Мұратова мас күйінде Lexus көлігін басқарып, жол жүрісі ережелерін бұзған. Полиция қызметкерлері 53 жастағы әйелдің көлігін тоқтатып, құжаттарын тексеру кезінде алкоголь иісін сезген. Сараптама да оның шынымен мас күйінде болғанын растады.
Кейін Мұратоваға қатысты әкімшілік іс сотта сотталушының қатысуынсыз қаралды. Нәтижесінде әйел 7 жылға жүргізуші куәлігінен айырылды. Кейінірек ол пайда болып, 15 тәулік әкімшілік қамауға алынды. Одан кейін ол депутаттық мандатынан айырылды. Айта кетейік, биылғы қазанда белгілі болғандай, Мұратова Ақтөбе облыстық қоғамдық кеңесінің мүшесі болып тағайындалды.