Енбекшіқазақ ауданының (Алматы облысы) уақытша ұстау изоляторының (УҰИ) қызметкері Шерзат Полат ісі бойынша күдіктілермен байланысты видеоға байланысты жұмыстан босатылды.
ІІМ баспасөз қызметіне сілтеме жасап, Zakon.kz хәбарлағандай, қамаудағы адамдарды УҰИ қызметкері жеке телефонына түсірген. Ол теріс себептермен жұмыстан босатылып, арнайы атағынан айырылды.
«Қызметтік тәртіпті өрескел бұзғаны және тиісті бақылауды жүзеге асырмағаны үшін УҰИ бастығын қоса алғанда, 16 басшы мен қызметкер қатаң тәртіптік жауапкершілікке тартылып, олардың кейбірі лауазымынан босатылды», – делінген ведомство хабарламасында.
Оқиғадан кейін мекемеге қосымша бейнебақылау қондырылғаны атап өтілді. Сонымен қатар полиция қылмыстық іс қозғады.
Еске салайық, бұған дейін интернетте Алматы облысындағы УҰИ-дан видео тараған болатын. Кадрларда Талғардан келген Шерзат Полатты өлтіруге күдіктілердің туған күнін тойлағаны көрінеді.
Видеода тұтқындар «Алиса» дауыстық көмекшісін пайдаланып музыка қосып, торттағы шамдарды өшіріп, сусын ішіп, би билейді. Сонымен қатар, кадрда кемінде екі ұялы телефон байқалған.