Медициналық әлеуметтік сақтандыру қоры (МӘСҚ) медициналық қызмет көрсету сапасына жоспардан тыс мониторинг жүргізіп, тексерілген 1,4 мың медициналық ұйымның 238-інде түрлі бұзушылықтар анықтады.
Жоғары аудиторлық палатасының (ЖАП) баспасөз қызметінің мәліметінше, бұзушылықтар рұқсат беру құжаттарының болмауы, бірнеше клиниканың бір базада орналасуы, персоналда қолданыстағы сертификаттардың болмауы және т.б. байқалған.
Нәтижесінде 61 денсаулық сақтау мекемесіне айыппұл санкциялары қолданылды. Сонымен қатар МӘСҚ 10 медициналық ұйыммен келісімшарттарды бұзу процесін бастады.
«Анықталған бұзушылықтар бойынша ҚР ДСМ Медициналық және фармацевтикалық бақылау комитетінің аумақтық департаменттеріне одан әрі пысықтау үшін 116 хабарлама жіберілді», - делінген хабарламада.
Сонымен қатар, қор мұндай тексерулерді жүргізу және құзыретті органдарға деректерді беру үшін бірыңғай алгоритм әзірледі.
Еске сала кетейік, бұған дейін Қазақстанның стоматологиялық клиникалары мен МӘСҚ тіс емдеу кезінде анестезия қызметтеріне ақы төлеуге байланысты сот қарама-қайшылығына түскені хабарланған болатын.