Ұлттық қауіпсіздік комитеті (ҰҚК) есірткі контрабандасының халықаралық арнасын жойды.
Ведомствоның баспасөз қызметінің мәліметінше, Алматыда еліміздің тарихындағы ең ірі бір реттік кокаин партиясы салмағы 13 тонна 183 кг тәркіленді.
Жүкті Қазақстан аумағы арқылы басқа елдерге одан әрі жөнелтуге арналғаны хабарланды. Есірткі арнасын ұйымдастыруға қатысы бар деген күдікпен екі шетел азаматы ұсталды.
ҚР ҚК 297-бабының 3-бөлігі («Есірткі құралдарын, психотроптық заттарды, олардың аналогтарын өткізу мақсатында заңсыз сатып алу, сақтау, тасымалдау, жөнелту не өткізу») бойынша сотқа дейінгі тергеу жүргізілуде.
Еске сала кетейік, бұған дейін Қостанайда сотталған топ Telegram-да «Thс Seller» есірткі дүкенін ұйымдастырған, ол арқылы 2 мыңнан астам клиент есірткі сатып алған. Жалпы айналым 100 млн теңгеден асқан.