Алматыдағы жоғары оқу орындарының бірінде суық қару қолданылған оқиға болды. Студент ALT University аумағында оқытушыны пышақпен жаралады.
Centralmedia24.kz деректері бойынша, оқиғаның бейнежазбасы әлеуметтік желілерде таралды. Кадрларда күдіктінің еденде жатқаны, қолы қанға боялғаны, жанында қалталы пышақ жатқаны көрінеді.
Пікір білдірушілер шабуылдың себебі бағаларға байланысты жанжал болуы мүмкін деген болжамдар айтты. Алайда университет әкімшілігі бұл нұсқаны жоққа шығарып, зардап шеккен оқытушы осы студентке сабақ бермейтінін нақтылады.
Алматы полиция департаменті оқиға бойынша қылмыстық іс қозғалғанын хабарлады.
«Күдікті ыстық ізбен ұсталып, уақытша ұстау изоляторына қамалды. Өзге мән-жайлар анықталуда», — деп хабарлады полиция.
Алдын ала ақпарат бойынша, оқытушы ауыр дене жарақаттарын алмаған.