ҚР Қаржы вице-министрі Ержан Біржанов Қазақстанда қанша жеке кәсіпкердің (ЖК) өз кірістерін құпия ұстап отырғанын айтты.
«Қазинформ» халықаралық ақпарат агенттігінің хабарлауынша, оның айтуынша, бірінші жартыжылдықтың соңына қарай 1,4 млн кәсіпкердің тек 944 мыңы ғана нөлдік есептілік тапсырған.
«Бұл кірістерін көрсетпейтін жеке кәсіпкерлердің 67% құрайды. Өткен жылғы Ұлттық банктің деректерін қарасақ, өнім мен қызметті сату бойынша, біз барлығымыз сатып алушы болып табылатын, банк карталары арқылы 55 трлн теңге өткен. Яғни, жеке тұлғалардың барлық сату көлемі бір жылда 55 трлн теңгені құрады», - деді Біржанов.
Сонымен қатар вице-министр жеке тұлғаларға немесе ЖК-ге жасалған барлық аударымдар сомасы елдің ішкі сауда айналымынан асып, 80 трлн теңгені құрағанын мәлімдеді.
«Менің ойымша, осы 80 трлн теңгеден салықтың бір бөлігі түскен жағдайда, білім беруде де, медицинада да жағдай жақсарар еді», - деп қосты вице-министр.
Қызылорда облысында кәсіпкердің бизнесі банкрот болуына әкелген салық органының әрекеттеріне байланысты ол Антикорға жүгінген бұрын хабарланған болатын. Облыстың Мемлекеттік кірістер департаменті (МКД) кәсіпкерге ҚҚС төлеуші ретінде тіркелмей рұқсат етілген айналымнан асып кеткенін сылтауратып, хабарлама жіберіп, оның шоттарын блоктаған.
Алайда МКД кәсіпкердің 2021 жылдан бастап «қаржылық айналымдар үшін үш компонентті интеграцияланған жүйені» қолданғанын, бұл оны ҚҚС бойынша есепке қою міндетінен босататынын ескермеген.