Арнайы мемлекеттік қордан 45 млрд теңгеден астам қаржы Солтүстік Қазақстан облысындағы ауыл тұрғындарын сапалы ауыз сумен қамтамасыз ету үшін су құбыры инфрақұрылымын дамытуға бөлінді.
Үкіметтің баспасөз қызметінің мәліметінше, бұл қаражатқа өңірдің сумен жабдықтауын жақсартуға бағытталған 48 жоба жүзеге асырылады. Олардың ішінде – Соколов, Булаев және Преснов топтық су құбырларын қайта жаңарту.
Сонымен қатар, Көкшетау топтық су құбырына қосылған Айыртау ауданы мен Шал ақын ауданының ауылдық елді мекендеріне жаңа су құбырлары мен тармақтар салу көзделген.
Жұмыстар аяқталғаннан кейін өңірдің ауылдарында халықты сапалы ауыз сумен 100% қамту жоспарлануда.
Белгілі болғандай, қазіргі уақытта СҚО еліміздегі топтық су құбырларының ең ұзындығына ие (3 мың км-ден астам), олардың есебінен 175 мың адам тұратын 229 ауыл сумен қамтамасыз етіледі. Петропавлда сумен жабдықтау қызметіне 100% халықтың, ал ауылдарда – 97,5% қол жетімділігі бар.
Естеріңізге сала кетейік, бұрын хабарланғандай, Қазақстанда заңсыз шығарылған активтерден қайтарылған қаражат есебінен әлеуметтік нысандарды салу және жаңғыртудың ауқымды бағдарламасы жүзеге асырылуда.
Бүгінгі күні жалпы сомасы 318 млрд теңге болатын 406 жоба мақұлданды. Оның 333 жобасы іске асыру сатысында тұр. Негізгі назар білім беру, денсаулық сақтау, спорт және сумен жабдықтауды дамытуға аударылғаны атап өтілді: 9 білім беру нысаны, 3 спорт құрылысы, 162 медициналық нысан және су инфрақұрылымының 159 жобасы салынуда.