Тимур Күлибаевтың холдингтік компаниясы «Joint Resources» АҚ 2023 жылы 39,2 млрд теңге табыс тапты. Ал 2022 жылы холдингтің шығыны 127,6 млрд теңге болды.
bes.media деректері бойынша, экс-президент Назарбаевтың күйеу баласының компаниясының активтері 13,9% өсіп, 406 млрд теңге құрады.
«2023 жылғы 31 желтоқсан және 2022 жылғы 31 желтоқсан жағдайы бойынша компанияның жалғыз акционері Тимур Күлибаев болып табылады. «Joint Resources» АҚ акцияларының 100%-ы жалғыз қатысушысы Рахмет Хайруллаев болып табылатын «Premier Management» ЖШС сенімгерлік басқаруына берілген», - делінген хабарламада.
КАSE-де жарияланған есепке сәйкес, 2023 жылғы 31 желтоқсан жағдайы бойынша холдингтің келесі компанияларда үлестері болды:
- «Каспий мұнайы» АҚ-да 100%. Атырау облысы Жылыой ауданындағы көп қабатты Айранкөл мұнай-газ кен орнын игерумен айналысады;
- «Шұбаркөл Премиум» АҚ-да 67%. Көмір өнімдерін барлау, өндіру, өткізу және сатып алу, тау-кен өндірістерін пайдалану жөніндегі компания;
- «Кристалл менеджмент» АҚ-да 51%. Энергиямен жабдықтаушы кәсіпорындарға электр энергиясын өндіру және өткізумен айналысады;
- «Exploration Production Crystal Management» ЖШС-де 51%. Басқа жеке қызметтер көрсетеді;
- «ГТЭС-Ақшабұлақ» ЖШС-де 51%. Компания газ турбиналық электр станциясын пайдаланумен, электр энергиясын өндіру және сатумен, электр желілері мен қосалқы станцияларды пайдаланумен айналысады;
- «Premier Development Company» ЖШС-де 50%. Шоптыкөл кен орнында қоңыр көмір өндіретін «Майкөбен-Вест» ЖШС жарғылық капиталының 100%-ына ие холдингтік компания;
- «Kazakhstan's mineral resource investment company» ЖШС-де 35%. Тау-кен өндірістерін жобалайтын және пайдаланатын «Kundybai Mining» АҚ акционерлік капиталындағы 80%-ға ие холдингтік компания;
- «KVK-Petroleum» ЖШС-де 25%. Негізгі қызметі мұнайды игеру және өндіру болып табылатын «Торғай-Петролеум» АҚ-да 50%-ға ие. Компания Күмкөл мұнай кен орнының солтүстік бөлігінің жалғыз операторы болып табылады;
- «Cento Group» ЖШС-де 17,5%;
- «Ақбұлақ Су» ЖШС-де 0,01%. Негізгі қызмет түрі - суды жинау, өңдеу және бөлу.
Еске сала кетейік, бұрын белгілі болғандай, «Joint Technologies» ЖШС компаниясына жалпы сомасы 2 млрд теңгеден астам екі айыппұл салынған еді.