Кеденшілер дала еліктің мүйіздерін шетелге заңсыз шығару әрекетіне жол бермеді.
Мемлекеттік кірістер комитетінің баспасөз қызметінің мәліметінше, Жетісу облысындағы «МЦПС-Хоргос» кеден бекетінде шекаралық бақылау кезінде ҚР азаматынан 112 дана ақбөкен мүйізі табылды.
«Бұл әрекет үшін жауапкершілік ҚК-нің 339-1-бабы «Ақбөкенді заңсыз аулау, жою, сондай-ақ заңсыз ауланған ақбөкенді немесе оның дериваттарын, оның ішінде мүйіздерін сатып алу, сақтау, өткізу, әкелу, әкету, жөнелту, тасымалдау» бойынша көзделген, - делінген хабарламада.
Сонымен қатар, ведомство өткен жылдың сәуірінен бастап Хоргос кеден бекетінде уәкілетті органдар заңнаманың 800 бұзу фактісін анықтап, 136 әкімшілік іс қарап, 40,5 млн теңгеден астам айыппұл өндіргенін хабарлады.
Еске сала кетейік, бұған дейін хабарланғандай, ағымдағы жылдың алғашқы 4 айында заңсыз айналымнан 15 200 метр балық аулау торлары, 9 тонна балық және балық өнімдері, шамамен 3,5 мың дана ақбөкен мүйізі, 135 бірлік аңшылық қару және заңсыз дайындалған 81 текше метр орман тәркіленді.
Сонымен қатар, осы айдың басында Жетісу облысында ұсталған жергілікті тұрғын шатырда 1,2 млрд теңгеге бағаланған ақбөкен мүйіздерін сақтаған.
Ал наурыз айында Жетісу облысының ҰҚК шекара қызметі департаменті шекара маңы аймағында Қазақстанның үш азаматын 1382 дана ақбөкен мүйізін шығару әрекеті кезінде ұстады. Сонда мемлекетке келтірілген залал 3,5 млрд теңгеден астам деп бағаланды. Айта кетейік, біздің деректер бойынша, қара нарықта бір мүйіз шамамен $2 мың тұрады.