Абай облысының әкімі Нұрлан Уранхаев Орталық коммуникациялар қызметінде (ОКҚ) өткен баспасөз мәслихатында өңірдегі тұрғын үй-коммуналдық шаруашылық саласын дамыту үшін қандай шаралар қолданылып жатқанын айтты.
Облыста 37,9 км жылу желілерін салу, қайта жаңарту және жөндеу бойынша жұмыстар белсенді жүргізіліп жатқаны хабарланады. Биыл 27,5 км желілерде және 17 жылу көзінде жұмыстар жүргізілді. Бұл жылу желілерінің тозуын 64,2%-дан 59,7%-ға төмендетуге мүмкіндік берді.
Семей қаласының оң жағалауында жылу энергиясының 146,99 Гкал көлемінде тапшылығы сақталып отыр, осыған байланысты жаңа жылу электр орталығын (ЖЭО) салу қажеттілігі туралы шешім қабылданды.
Жобамен облыстық әкімдік пен «Самұрық-Энергия» АҚ өкілдері, сондай-ақ жобалаушылардың өздері кірген жұмыс тобы айналысады. Болашақ ЖЭО-ны қаланың сол жағалауында, Степной кентінің ауданында салуды жоспарлап отыр. Күл үйіндісінің қай жерде орналасатыны да анықталды.
Сонымен қатар, Семей қаласының Қарағайлы шағынауданында қуаты 21,5 Гкал/сағ болатын блокты-модульді қазандық салынып жатыр. Құрылысты биылғы қараша айында аяқтау жоспарлануда. Қазандық жаңа ауданның әлеуметтік нысандары мен тұрғын үйлерін жылумен қамтамасыз етеді деп күтілуде.
Осыдан басқа, өңірде су құбыры желілерін салу бойынша жұмыстар жүргізілуде. Биыл 24 жобаны (жоспарланған 53-тің ішінен) іске асыруды аяқтау жоспарлануда. Бұл халықтың орталықтандырылған сумен жабдықтаумен қамтылуын 96,6%-ға дейін арттырады деп болжануда.
Облысты кешенді дамыту жоспары аясында Семей қаласында қоқыс сұрыптау желісі бар заманауи қатты тұрмыстық қалдықтар полигонын салу жоспарланған. Қалада көлік инфрақұрылымын дамыту саласында автокөлік және арба жүретін көпірді қайта жаңарту жобасы іске асырылуда, оны 2025 жылы аяқтау жоспарлануда.