2024 жылдың желтоқсан айының басында Мемлекеттік кірістер комитеті жүздеген шаруа қожалықтары мен лизингтік компанияларға салық есептілігіндегі бұзушылықтарды жою қажеттігі туралы хабарлама жіберді.
Kursiv.media мәліметінше, бұзушылықтар табыс салығы сомасын 32 млрд теңгеден астамға төмендетумен байланысты.
Өз кезегінде Мәжіліс депутаты Айдарбек Қожаназаров фермерлер хабарламаларда көрсетілген бұзушылықтардың жоқтығы туралы түсініктемелерді аймақтық мемлекеттік кіріс басқармаларына жіберуге тырысқанын мәлімдеді.
Алайда, оның айтуынша, ведомстволар басшылықтың нұсқауларын сылтауратып, олардың өтініштерін қабылдаудан бас тартады. Сонымен қатар, салық органдары банктік шоттарды бұғаттау және қызметін тоқтата тұру қаупімен дереу төлемді талап етеді.
Депутат салықтың қосымша есептеулері шетелден техника жеткізу бойынша мәмілелерге қатысты екенін, олар бойынша барлық кедендік баждар мен алымдар төленгенін айтады. Мәмілелер ҚР Ұлттық Банкінде экспорттық-импорттық бақылау талаптарын сақтай отырып тіркелгені атап өтіледі.
Қожаназаров премьер-министр Олжас Бектеновке жағдайды шешу үшін жұмыс тобын құру туралы өтінішпен жүгінді. Ол жаппай сот талқылаулары және егіс науқанының бұзылу қаупі туралы ескертті.