ІІМ Қылмыстық полиция департаментінің бастығы Қанат Нұрмағамбетов шетелде ұсталған, қазақстандықтардан ірі сомаларды жымқырған адамдар туралы айтты.
Polisia.kz мәліметінше, Нұрмағамбетов Варшава әуежайында 2014 жылғы желтоқсанда Қазақстан азаматтарынан алдап $1 млн жымқырған ер адам ұсталғанын хабарлады.
Тағы бір жағдайда Анталияда (Түркия) Алматы тұрғындарының ақшасын жалпы сомасы $146 мың мөлшерінде иемденген әйел ұсталды.
Ведомство бастығының атап өтуінше, қазақстандық полицейлер шетелдік әріптестерімен үнемі ынтымақтасады, нәтижесінде республика сыртында 21 іздеудегі қылмыскер ұсталды.
Еске сала кетейік, бұрын Германиядан Қазақстанға алаяқтыққа күдікті адамды экстрадициялады. Аталған тұлға екі сыбайласымен бірге жалған фирмалар құрып, бидай жеткізу сылтауымен кәсіпкердің қаражатын жалпы сомасы 100 млн теңгеден астам мөлшерде иемденгені белгілі болды.