Электронды сауда алаңындағы аукционда Павлодар облысы Береке ауылындағы бұрынғы бастауыш мектеп ғимараты сатылды.
«Қабаттылығы - 1, іргетасы - бетонды, сыртқы қабырғалары - пеноблок, шатыры - шифер, едені - тақтай, терезелері - қос қанатты, есіктері қарапайым, ағаш, ішкі әрлеуі - ақтау», - делінген лот сипаттамасында.
Аумағы 92,1 м² болатын ғимарат үшін Ақсу қаласы Достық ауылдық округі әкімі аппараты 1,6 млн теңге алуды жоспарлаған, алайда небәрі 213 теңге алды.
«Бастапқы бағасы: 1 683 000 теңге. Ең төменгі бағасы: 1,00 теңге. Кепілдік жарнасы: 84 150 теңге. Сауда мәртебесі: Өтті. Сату бағасы: 213 теңге», - деп көрсетілген хабарламада.
Белгілі болғандай, мектеп 1993 жылы салынған. 2023 жылғы мамырда «EXPERT Business Consulting KZ» ЖШС бағалаушысы ғимараттың құнын 561 мың теңге деп анықтаған.