Маңғыстау облысының прокуратурасы «Маңғыстаумұнайгаз» АҚ қызметінде өрескел бұзушылықтарды анықтады.
Ведомство баспасөз қызметінің мәліметінше, компания жер қойнауына ағынды суларды тастаған, сондай-ақ лимиттер белгілемей бұрғылау қалдықтарын жинақтаған.
«Прокурорлар қабылдаған шаралар бойынша, 2024 жылғы 04.12 сот қаулысымен компания ӘҚБтК-нің 328-бабы бойынша әкімшілік жауапкершілікке тартылып, жалпы сомасы 31 млрд теңге айыппұл салынды. Сот актісі заңды күшіне енді», - делінген хабарламада.
Сонымен қатар прокурорлар мұнай қыздыру пештерінен қоршаған ортаға ластаушы заттардың нормативтен тыс шығарындылары фактісін анықтады. Осы бұзушылық үшін компанияға 1,2 млрд теңге көлемінде қосымша айыппұл салынды.
Еске сала кетейік, 2024 жылғы желтоқсанда Қарағанды орталық байыту фабрикасы жергілікті тұрғындардың шағымдарынан кейін 43 млн теңгеге айыппұл салынған болатын. Желді ауа райында Техбаза ауданындағы жеке сектор тұрғындары шаңнан тұншыққан. Экологтар кәсіпорында «Лад-комір» көміртегі тотығы шығарындыларының асып кеткенін анықтады.