В Маңғыстау облысында мектеп басшылығы мұғалімдерден ақы жинады деп күдікке ілінді.
«Мунайлы ауданының прокуратурасы «№3 арнайы мектебі» КММ-сін тексеру қорытындысы бойынша мекеме басшылығы тарапынан бірқатар заң бұзушылықтар анықталды», - деп хабарлады облыс прокуратурасының баспасөз қызметі.
Хабарланғандай, мектеп қызметкерлері «Kaspi bank» және «Halyk bank» қосымшаларын пайдалана отырып, ай сайын мекеме басшылығына ақша аударып тұрған.
«Сонымен қатар, ресми бұйрықтар шығару және жекелеген адамдарға көтеріңкі сыйлықақылар есептеу негізінде ақшалай қаражатты заңсыз аудару фактілері анықталды», - делінген хабарламада.
Бұдан басқа, мектеп директорының өзіне салынған әкімшілік айыппұлдарды бағыныштыларға төлеткені белгілі болды.
«Аталған арнайы мектептің лауазымды тұлғаларына қатысты ҚР ҚК-нің 361-бабы бойынша қызметтік өкілеттіктерді теріс пайдалану фактісі бойынша сотқа дейінгі тергеу басталды», - деп хабарлады ведомствода.