Желіде Қостанай арнаулы әлеуметтік қызметтер көрсету балалар орталығында ер адамның баланы жүгіру жолында тепкілеп, таяқпен айдап жүргені көрсетілген видео пайда болды.
Tengrinews.kz деректері бойынша, бұл мекемеде ауыр диагнозы бар балалар тәулік бойы болады. Сонымен қатар, күндізгі стационарға келетін тәрбиеленушілер де бар.
Жұмыспен қамтуды және әлеуметтік қызметтерді үйлестіру басқармасы тиісті шаралар қабылданып, кінәлі адамдар жазаланғанын мәлімдеді.
«Басқармаға бұл туралы белгілі болғаннан кейін арнайы комиссия құрылып, оқиға орнына шығып, барлық материалдарды зерттеді. Бүгінгі күні дене шынықтыру мұғалімі бап бойынша жұмыстан шығарылды, ата-аналар полицияға жүгінді. Директор тәртіптік жауапкершілікке тартылды, сондай-ақ камераларды қарау міндеті жүктелген әлеуметтік қызметкерлер – үш адам. Басқа интернаттармен де жұмыс жүргізіп, бақылауды күшейтеміз, өйткені бұл жол берілмейді», - деді ведомство басшысының орынбасары Максим Устинов.
Сонымен қатар полиция департаменті ведомство ҚК-нің 140-бабы 2-бөлігі «Кәмелетке толмағанды тәрбиелеу жөніндегі міндеттерді орындамау» бойынша сотқа дейінгі тергеуді бастағанын хабарлады.
«Қылмыстық іс өндірісте. Ол бойынша барлық қажетті тергеу әрекеттері жүргізілуде, тиісті сараптама тағайындалды, оның нәтижелері бойынша тиісті процестік шешім қабылданады», - деп хабарлады департамент баспасөз қызметі.