Қазақстандық ірі медициналық жабдықтар өндірушісі және дистрибьюторы – «Ordamed» компаниясы магнитті-резонанстық томография (МРТ) және рентгенографияға арналған жабдықты лицензиясыз шығарған.
Bes.media мәліметінше, бұл туралы фармацевтикалық бақылау комитетінің төрайымы м.а. Алмагүл Кенжеханова айтқан. Оның сөзінше, компанияның медициналық бұйымдарға арналған қолданыстағы тіркеу куәлігі тоқтатылған.
«Әкімшілік кодекс аясында 6 айға тоқтатылды. Осы кезеңде компания түзетулер енгізуі тиіс. Бүгінгі күні Ұлттық сараптама орталығы (сараптамалық ұйым) 18 тармақ бойынша өтінім берді, кейбір түзетулер енгізілуде. Медициналық иондаушы бұйымдарды өндіруге лицензияның жоқтығына байланысты бұзушылықтар анықталды. Бізде бұл санатқа рентген жабдықтары, МРТ және т.б. жатады», – деді ол.
Еске салайық, мамыр айында «КФК «Медсервис плюс» ЖШС, «Акниет» ЖШС және «Стофарм» ЖШС сияқты компаниялар дәрі-дәрмектерді тасымалдау және сақтау бойынша қызметтерді сатып алу кезінде картельдік сговорға қатысқаны үшін әкімшілік жауапкершілікке тартылды. Сатып алуды «СК-Фармация» ЖШС жүргізген.
Шілдеде «СК-Фармация» ЖШС қызметінде халықты дәрі-дәрмектермен және медициналық бұйымдармен қамтамасыз етуге кедергі келтіретін елеулі сыбайлас жемқорлық тәуекелдері анықталды.