Қарағандыда мемлекеттік мүлік және жекешелендіру департаментінің Қарағанды облысы бойынша басшысы Дастан Хамзинге және қаржылық қамтамасыз ету бөлімінің басшысы Қашқынбаев Қ. қатысты үкім жарияланды.
Антикор баспасөз қызметінің мәліметінше, Хамзин қазынашылық департаменті ғимаратын жөндеу бойынша орындалған жұмыстар актісіне қол қойғаны үшін 1 млн теңге көлемінде пара алғаны үшін кінәлі деп танылды.
Сонымен қатар, ол Қашқынбаевпен бірге департаментке өздерімен байланысты адамдарды жалған жұмысқа орналастыру арқылы 2,5 млн теңге ұрлағаны анықталды.
Нәтижесінде сот Хамзинге және Қашқынбаевқа тиісінше 55 млн теңге және 25,4 млн теңге көлемінде айыппұл түрінде жаза тағайындады. Сонымен қатар, оларға мемлекеттік қызметте және квазимемлекеттік сектор субъектілерінде лауазымдарды атқаруға өмір бойы тыйым салынды.
Еске салайық, Қарағанды облысының мемлекеттік мүлік және жекешелендіру департаментінің басшысына және оның бағыныштысына қатысты сотқа дейінгі тергеудің аяқталғаны туралы ағымдағы жылдың сәуір айында хабарланған болатын.