Степногорск жедел жәрдемінің фельдшері Светлана Оксюта шақыру кезінде оған шабуыл жасалғанын, алайда ешкімнің жазаланбағанын айтты.
Informburo.kz мәліметінше, оқиға 26 тамызда болған. Оксютаның айтуынша, ол жас жігіттің эпилепсиялық құрысуы туралы шақыру бойынша келгеннен кейін, үйдің ауласында оны бір әйел мен оның қызы ұрып-соға бастаған.
«Мені оң көзіме жұдырықпен ұрды, ал екінші жағынан оның қызы – сол құлақ пен сол самайдың арасына соққы берді. Мұның бәрі былапыт сөздермен қатар жүрді. Агрессивті мінез-құлықтың себебі – олардың пікірінше, біз өте ұзақ жүрдік. Олар айтқандай – «ақымақ жедел жәрдем», 18 минут жүрді», – деп еске алады медик.
Светлана олар шақыруға 7 минутта келгенін, мұны GPS-трекердің деректері растайтынын айтады. Сот-медициналық сараптама оның денсаулығына жеңіл зиян келтірілгенін көрсетті.Өз кезегінде ұрып-соғуға күдікті Ирина Волхонская жанжал фельдшердің науқасты алып жүруден бас тартуынан туындағанын мәлімдеді. Сонымен бірге ол ұрып-соғуды жоққа шығарады.
«Жігіт оның туысы емес еді, бірақ оның отбасы оған балалар үйінің бұрынғы тәрбиеленушісі ретінде жиі көмектесетін», - делінген хабарламада.
Полицияда фельдшерге дене жарақатын салу фактісі бойынша іс медиктің өтініш берген күні тіркелгені атап өтіледі. Тергеу әлі де жалғасуда.Еске салайық, қаңтар айында әлеуметтік желілерде видео пайда болды, онда 36 жастағы Нұрболат Дәкебаев Қарағанды аулаларының бірінде жедел жәрдем жүргізушісін аяусыз ұрып-соққан. Кейін оның қамауға алынғаны хабарланды. Ол Қарқаралы ауданындағы қыстақтардың бірінде ұсталды. Кейінірек ұрылған жүргізуші видеоүндеу жариялап, құқық бұзушыны кешіретінін мәлімдеді.
Одан кейін полиция Дәкебаевтың әрекеттерін бұзақылық ретінде қайта саралағаны белгілі болды. Сот-медициналық сараптама анықтағандай, жәбірленушінің дене жарақаттары жеңіл дәрежедегі санатқа жатады деген негізде.
Алайда жәбірленуші бұған келіспей, азаматтық талап қойып, айыпталушыдан өтемақы ретінде 5 млн теңге талап етті. Жүргізушінің айтуынша, ол сот-медициналық сараптама анықтағаннан гөрі ауыр жарақат алған.
Маусым айында Дәкебаевтың ісі басқа қылмыстық іспен біріктіру үшін прокуратураға қайтарылуы шешілді. Судья бұзақылықтан басқа, Дәкебаев денсаулыққа орташа ауырлықтағы зиян келтіруге күдікті деген шешім шығарды.
Тамыз айында Нұрболат Дәкебаев кінәлі деп танылып, бұзақылық ниетпен денсаулыққа орташа ауырлықтағы зиянды қасақана келтіргені үшін бас бостандығынан 2 жылға айыру жазасына кесілді.