Желіде Алматының бұрынғы әкімі Бауыржан Байбектің Жапониядағы фотосы таралуда.
Instagram-парақшасының «Bakordamems» әкімшілерінің болжауынша, Байбек гүлдерге сүйсінудің жапондық ұлттық дәстүрін көру үшін сол жерге барған.
«Алматының экс-әкімі Байбек қазір Жапонияда. Сакураның гүлдеуін көруге ұшып келген. Хабардар етіп отырамын», - делінген хабарламада.
Естеріңізге сала кетейік, қаңтар оқиғаларынан кейін Бауыржан Байбек мемлекеттік лауазымдарынан айырылып, көпшілік алдына шығуды тоқтатты.
2009 жылдың тамызынан 2013 жылдың қаңтарына дейін ол Президент Әкімшілігі басшысының орынбасары болды. 2013 жылдың қаңтарынан 2015 жылдың тамызына дейін «Нұр Отан» партиясы төрағасының бірінші орынбасары қызметін атқарды. 2015 жылдың тамызынан 2019 жылдың маусымына дейін Байбек Алматы қаласының әкімі лауазымын иеленді.