Алматы қалалық құрылыс бақылау басқармасы әл-Фараби даңғылындағы аяқталмаған көп деңгейлі автотұрақтың бұзылғаны туралы хабарлады.
Қалалық әкімдіктің баспасөз қызметінің мәліметінше, 2007 жылы «СЕРТ» АҚ жалдау алаңында 5 қабатты автотұрақтың құрылысын бастаған.
2009 жылы құрылыс алғашқы екі қабат деңгейінде тоқтатылған. 2015 жылы жерді уақытша пайдалану құқығы тоқтатылып, одан кейін мамандар нысанның көтергіш және қоршау конструкцияларын тексерген.
«Сарапшылар негізгі көтергіш конструкциялардың техникалық жағдайы туралы қорытынды берді, тексеру нәтижелері бойынша қолданыстағы конструкцияларды бөлшектеу ұсынылды», - делінген хабарламада.
Содан кейін басқарма аяқталмаған нысанды бұзу туралы сотқа талап-арыз берген. Талаптар қанағаттандырылғаннан кейін уәкілетті органдар бөлшектеуге кіріскен.
Еске салайық, бұрын хабарланғандай, Алматыда сот шешіміне қарамастан «Graff» проблемалық тұрғын үй кешенінің құрылысы қайта басталған. Сонда құрылыс көптеген бұзушылықтармен жүргізілгені белгілі болған еді.
Ғимаратты бұзу туралы сот шешіміне қарамастан, құрылыс толығымен бөлшектелмеген. Белсенді күрес арқылы осы шешімге қол жеткізген жергілікті тұрғындар құрылыстың қайта басталуынан қауіптенеді.