ҰҚК Шекара қызметі 2025 жылғы шілде айындағы қызмет нәтижелері туралы есеп жариялады.
Ведомствоның баспасөз қызметінің мәліметінше, осы кезеңде шекараны 4 725 бұзушы ұсталды, оның ішінде 4 132 шетел азаматы бар.
ҰҚК қызметкерлері мемлекеттік шекара арқылы заңсыз өтудің 1 462 фактісін болдырмады, оның ішінде:
- қару-жарақ, оқ-дәрілер – 60 факт;
- діни әдебиет – 25 факт (627 дана);
- ЖЖМ – 524 факт, көлемі шамамен 35 тонна;
- халық тұтынатын тауарлар – 682 факт, сомасы 4,2 млрд теңгеден астам;
- валюта – 171 факт, сомасы 1,7 млрд теңгеден астам.
Сондай-ақ шекарашылар Каспий теңізі акваториясында браконьерліктің 51 фактісін болдырмады, 14 бірлік жүзу құралын және шамамен 20 км браконьерлік торларды тәркіледі.
Зиян сомасы шамамен 116 млн теңгені құрады. Осы фактілер бойынша материалдар бұзушыларды жауапкершілікке тарту үшін құқық қорғау және сот органдарына жіберілді.
Еске сала кетейік, бұған дейін мамыр айында ҰҚК қызметкерлері мемлекеттік шекара арқылы заңсыз өтудің 1443 жағдайын болдырмағаны, оның ішінде сомасы 2,8 млрд теңгеден астам халық тұтынатын тауарлар, сондай-ақ сомасы 1,4 млрд теңгеден астам валюта болғаны хабарланған болатын.