Бурабай аудандық соты Ақмола облысы кәмелетке толмаған балаға қатыгездікпен қарау және тәрбиелеу жөніндегі міндеттерді тиісінше орындамау фактісі бойынша қылмыстық істі қарады.
Өңір соттарының баспасөз қызметінің мәліметінше, Щучинск тұрғыны 2022 жылғы наурызда психикалық ауруы бар 2014 жылы туған кәмелетке толмаған баланы патронаттық тәрбиеге алған. Міндеттерді өзіне ала отырып, әйел оны үнемі ұрып-соғуға ұшыратқан.
Анықтама үшін: патронат — жетім балалар мен ата-анасының қамқорлығынсыз қалған балаларды отбасына орналастыру нысаны, ол мемлекеттен қаржылық көмек алуды көздейді. Мұндай жүйе денсаулығында проблемалары бар немесе аға-інілері мен апа-сіңлілері бар, асырап алуға ынтасыз балаларды отбасына орналастыруға мүмкіндік береді.
Белгілі болғандай, 2024 жылғы қазанда сотталушы балаға дене жарақатын салып, оның аяғына металл кетпенмен ұрған.
«Сот-медициналық сараптаманың қорытындысы бойынша Ч.-дан дене жарақаттары — сыдырым, тыртық анықталды», - делінген хабарламада.
Нәтижесінде сот әйелге 80 АЕК (295 360 теңге) мөлшерінде айыппұл салды. Сондай-ақ оған педагогикалық лауазымдарды атқару немесе кәмелетке толмаған балаларды тәрбиелеуге байланысты қызметпен айналысу құқығынан 2 жыл мерзімге айырылды.