Абай облысының прокурорлары «Аягөз Су» ШМК басшыларының жалақысын қарапайым жұмысшылар есебінен көтеріп көрсету фактілерін анықтады.
Хабарланғандай, бір жыл ішінде кәсіпорын директорының жалақысы 286 мың теңгеден 402 мың теңгеге дейін өскен.
«Прокуратура араласқаннан кейін кәсіпорын басшыларының жалақысы заңға сәйкес келтіріліп, 58 жұмысшының жалақысы 22 мың теңгеге көтерілді», - делінген хабарламада.
Сонымен қатар, прокурорлар «Аягөз Су» ШМК белгілеген су тарифінің негізсіз жоғарылатылғанын анықтады.
«ШЖҚ «Аягөз Су» МКК «Табиғи монополиялар туралы» Заң талаптарын бұза отырып, ауыз судың бір текше метрі үшін 202 теңге мөлшерінде ақы алған», - деп хабарлады ведомствоның баспасөз қызметі.
Белгілі болғандай, 2022-2023 жылдар аралығында кәсіпорын негізсіз 35,2 млн теңге алған.
Прокурорлық қадағалау актісі бойынша уәкілетті орган суға уақытша тарифті 1 м3 үшін 167 теңге мөлшерінде енгізді.