В Астанада салынып жатқан төрт қабатты Saranda тұрғын үй кешенінің шатырында өрт шықты. Өрт толығымен сөндірілді, алдын ала мәлімет бойынша зардап шеккендер жоқ.
НЕ БОЛДЫ
Төтенше жағдайлар министрлігінің (ТЖМ) мәліметінше, өрт Есіл ауданындағы Е-871 көшесіндегі салынып жатқан төрт қабатты ғимараттың шатырында болған. Алғашқы өрт сөндіру бөлімшелері келген кезде шатырдың ашық жануы мен қалың қара түтін байқалған.
Өртті сөндіру үшін өрт сөндірушілер дереу өрт магистральдарын беріп, қажетті шараларды қолданды.
СӨНДІРУ ҚАЛАЙ АЯҚТАЛДЫ
ТЖМ өрт 150 шаршы метр аумақта толығымен сөндірілгенін хабарлады. Ашық жануды жойғаннан кейін құтқарушылар жасырын өрт ошақтарын болдырмау үшін құрылымдарды сулап, бөлшектеуді жалғастырды.
ЗАРДАП ШЕККЕНДЕР БАР МА
Алдын ала мәлімет бойынша, 112 пультіне зардап шеккендер туралы ақпарат түскен жоқ. Өрттің себептері анықталып жатыр, оқиғаның мән-жайы нақтылануда.
