«Самұрық-Қазына» қоры мен «Қазақстан темір жолы» (ҚТЖ) ұлттық компаниясы басшыларының сыбайлас жемқорлыққа күдікпен ұсталуынан кейін жұмысты қалыпты режимде жалғастыратынын мәлімдеді.
«САМҰРЫҚ-ҚАЗЫНА» МӘЛІМДЕМЕСІ
12 қарашада «Самұрық-Қазына» баспасөз қызметі қор мен оның құрамына кіретін компаниялар жұмысты қалыпты режимде жалғастырып жатқанын хабарлады. Инвесторлар, кредиторлар, халықаралық қаржы ұйымдары мен іскер серіктестер алдындағы барлық міндеттемелер сақталып, орындалуда.
«Қордың инвестициялық жобалары мен стратегиялық бағдарламалары бекітілген жоспарларға сәйкес іске асырылуын жалғастыруда. Қор қаржылық және институционалдық тұрақтылығын сақтап, өзінің стратегиялық функцияларын орындауды жалғастыруда және қазақстандық пен халықаралық инвесторлар үшін сенімді серіктес болып қала береді».
ҚТЖ НЕ ХАБАРЛАДЫ
ҚТЖ тасымалдау үзіліссіз жүзеге асырылып жатқанын мәлімдеді. Жолаушылар және жүк пойыздарының қозғалысы толық көлемде қамтамасыз етілуде.
«Қозғалыс қауіпсіздігі мен тасымалдау кестесінің орындалуы тұрақты бақылауда. Компанияның жолаушылар мен клиенттер алдындағы барлық міндеттемелері толық көлемде орындалуда».
ҰСТАУЛАР ТУРАЛЫ НЕ БЕЛГІЛІ
Бұған дейін Ұлттық қауіпсіздік комитетінің (ҰҚК) Сыбайлас жемқорлыққа қарсы іс-қимыл қызметінің қызметкерлері «Самұрық-Қазына» басқарма төрағасы Нұрлан Жақыповты және ҚТЖ басшысы Елжас Отыншиевті сыбайлас жемқорлық қылмысқа күдікпен ұстаған болатын.
Ulysmedia.kz ақпараты бойынша, редакцияға түскен материалдарда ҚР ҚК 24-бабының 3-бөлігі («Қылмысқа оқталу») және ҚР ҚК 366-бабының 4-бөлігі («Ерекше ірі мөлшерде пара алу») көрсетілген.
ҰҚК тергеу жүргізіліп жатқанын растады, алайда істің мән-жайын ашпады.
