В Түркістан облысында темекі өнімдерін контрабандалық жолмен тасымалдау, ақшалай қаражатты бопсалау және капиталды заңсыз шығаруға байланысты бірнеше заңсыз схеманың әрекеті тоқтатылды. Жекелеген эпизодтар бойынша сотқа дейінгі тергеулер басталды, ал анықталған заңсыз қаражат шығарудың жалпы көлемі шамамен 200 млрд теңгені құрады.
ҚАНДАЙ СХЕМАЛАР АНЫҚТАЛДЫ
Түркістан облысы прокуратурасының мәліметінше, жұмыс Мемлекет басшысының көлеңкелі экономикаға қарсы іс-қимыл жөніндегі тапсырмаларын іске асыру аясында жүргізілді.
Жедел іс-шаралар нәтижесінде тергеу нұсқасы бойынша Қырғыз Республикасынан темекі өнімдерін контрабандалық жолмен жеткізіп, кейін Түркістан облысы мен Қазақстанның батыс өңірлерінде сатумен айналысқан тұлғалардың заңсыз әрекеті тоқтатылды.
Жедел іс-шаралар кезінде жалпы құны 103 млн теңге болатын темекі өнімдері алынды. Осы факті бойынша ҚК 214-бабы бойынша сотқа дейінгі тергеу жүргізілуде («Заңсыз кәсіпкерлік, заңсыз банктік, микроқаржылық немесе коллекторлық қызмет»).
БОПСАЛАУ ТЕРГЕУІ ТУРАЛЫ НЕ БЕЛГІЛІ
Сондай-ақ тергеу нұсқасы бойынша шекара аймағында жүк көліктерінің жүргізушілерінен ақшалай қаражат бопсалаумен айналысқан топ анықталды.
Тергеу барысында тергеу деректері бойынша заңсыз делдалдық қызметтен алынған ақшалай қаражаттың бір бөлігі мемлекеттік органдардың лауазымды тұлғаларына пара ретінде берілгені анықталды.
Осы факті бойынша ҚК 366-бабы («Пара алу») және 367-бабы («Пара беру») бойынша сотқа дейінгі тергеу жүргізілуде.
Құқық қорғау органдары тергеу деректері бойынша қылмыстық схемаға қатысы бар 23 адамды анықтады. Оның 5-і қамауда.
ҚАРАЖАТТЫҢ ЗАҢСЫЗ ШЫҒАРЫЛУЫ ҚАЛАЙ АНЫҚТАЛДЫ
Сонымен қатар, прокуратураның үйлестіруімен Түркістан облысы бойынша экономикалық тергеу департаменті жалған кәсіпорындар арқылы жақын және алыс шетелдерге шамамен 200 млрд теңге заңсыз шығарылған фактіні анықтады.
Осы факті бойынша ҚК 235-1-бабының 3-бөлігі бойынша сотқа дейінгі тергеу басталды.
Прокуратурада ҚПК 201-бабына сәйкес қылмыстық істер бойынша өзге ақпараттың жариялануға жатпайтыны хабарланды.
