Қазақстан азаматы Сеулдегі құрылыс алаңында бетон төбенің бір бөлігі құлауы салдарынан қаза тапты. Оқиғаның себептерін Оңтүстік Корея құқық қорғау органдары анықтап жатыр.
ТРАГЕДИЯ ҚАЛАЙ БОЛДЫ
Yonhap деректері бойынша, ер адам Сеулдің оңтүстігіндегі Сохчо ауданында салынып жатқан ғимараттың бір пәтерінде болған. Ол тазалау жұмыстарының басталуын күтіп тұрған кезде, шамамен 09:45-те оның үстіне бетон төбенің бір бөлігі құлады.
Құлау салдарынан Қазақстан азаматы қаза тапты. Оқиғадан кейін бірден Оңтүстік Кореяның еңбек министрлігі нысандағы құрылыс жұмыстарын тоқтатты.
ОҚИҒАНЫ КІМ ТЕРГЕП ЖАТЫР
Тергеуді Оңтүстік Кореяның еңбек министрлігі мен полициясы бастады. Оқиғаның мән-жайын анықтауға құрылыс қауіпсіздігі жөніндегі мамандар да тартылды.
Тергеушілер құлаудың себептерін анықтап, құрылысқа қатысқан компаниялардың еңбекті қорғау және жұмыс орындарындағы қауіпсіздік туралы заңнама талаптарын сақтағанын тексереді.
ҚАЗАҚСТАН СІРТҚЫ ІСТЕР МИНИСТРЛІГІ ҚАЛАЙ ЖАУАП БЕРДІ
Қазақстанның Сыртқы істер министрлігі (СІМ) отандастың қаза тапқанын растады. Қазақстандық дипломаттар қаза тапқан адамның туыстарымен байланысып, оларға қажетті көмек көрсетіп жатыр.
