Мемлекет кірісіне қосымша 525 млрд теңге қайтарылды. Қаражатты әлеуметтік жобаларды жүзеге асыруға бағыттау жоспарлануда.
Үкімет баспасөз қызметінің мәліметінше, активтерді қайтару мәселелері жөніндегі комиссия Арқалық қаласында 120 орындық дарынды балаларға арналған спорт кешенін, Астанада тірек-қимыл аппараты бұзылған балаларға арналған оңалту орталығын және Алматыда 400 орындық ерекше қажеттіліктері бар адамдарға арналған жаттығу орталығын салуды мақұлдады.
«Мемлекет басшысы атап өткендей, барлық қайтарылған қаражат қазақстандықтардың игілігіне жұмсалуы тиіс. Ағымдағы жылдың басынан бері комиссия жалпы сомасы 900 млрд теңгеден астам активтерді қайтару бойынша келісімдерді мақұлдады. Осы қаражатқа бірқатар әлеуметтік инфрақұрылым нысандарының құрылысы басталды», - деп атап өтті премьер-министр Олжас Бектенов.
Еске салайық, өткен жылдың мамыр айында белгілі болғандай, Атырауда сыбайлас жемқорлардан алынған 6 млрд теңгені әрқайсысы 600 орындық екі мектеп құрылысын қаржыландыруға пайдалану жоспарлануда.
Сол жылдың сәуір айында хабарланғандай, сыбайлас жемқорлардың ақшасына 69 оқу орнының құрылысы аяқталады. Бұл қаражаттың бір бөлігін Түркістан облысындағы мектептердің құрылысына бағыттау көзделген.
Биылғы қазан айында хабарланғандай, Ақмола облысы Зеренді ауылында спорт кешені мен Түркістан облысы Темірлан ауылында музыка мектебін салуға Арнайы мемлекеттік қордан қаражат бөлу жоспарлануда, бүгінде онда мемлекетке қайтарылған 177 млрд теңге жинақталған.
Сонымен қатар, Қазақстанда мемлекетке қайтарылған 12 млрд теңгеге әлеуметтік жобаларды жүзеге асыру басталды , бұл қаражатты Арнайы мемлекеттік қордан бөлу жоспарлануда. Жоспарланған жобалардың бірі - Алматыда заманауи мәдениет орталығын салу.