Полицияның рейдерлік факті бойынша қылмыстық іс қозғаудан бас тартуынан кейін Әлия Назарбаеваға, сондай-ақ Конституциялық кеңестің бұрынғы төрағасы Игорь Роговтың әйелі Валентина Роговаға қатысты прокуратура құқық қорғау органдарының шешімін жойды.
БАҚ деректері бойынша, материалдар экономикалық тергеу департаментіне (ЭТД) берілді.
Кейін сол басылымның журналистері Алматы прокуратурасынан түсініктеме сұрады. Алайда ол жерде полиция шешімінің жойылғанын және іс материалдарының ЭТД-ға берілгенін растамады.
Еске салайық, бұрын бас прокуратура Қаржылық мониторинг агенттігіне (ҚМА) бизнесмен Нұрлан Бимурзиннің арызын жолдаған, ол экс-президенттің қызы Әлия Назарбаеваны және Валентина Рогованы 2003 жылғы жағдай бойынша құны $170 млн бизнесті басып алуда айыптайды. Кәсіпкер олардың сол кезде оған тиесілі 7 мұнай базасын және 96 ЖЖМ станциясын басып алғанын мәлімдеді.
Сонымен қатар, «ТПК Азия»-ның бұрынғы меншік иелері материал авторларына Назарбаеваның атындағы «Luxor» фитнес-орталығын сатпақ болып жатқанын айтқан. Олар кешен олардың ақшасына салынған деп есептейді және оны өтемақы ретінде қайтаруды талап етеді. Экс-меншік иелері оны сатқысы келеді, ал түскен пайданы ішінара су тасқынынан зардап шеккендерге көмекке жұмсауға уәде береді.
Сондай-ақ, Әлия Назарбаева Виргин аралдарында тіркелген компаниямен мәміле аясында қорғаныс министрлігіне тиесілі жерді бергені хабарланады.
Бұрын шетелдік БАҚ Назарбаеваның Қазақстаннан $300 млн астам қаражат шығарып, оны шетелдік жылжымайтын мүлік сатып алуға жұмсағанын жазған. Сатып алулар туралы экс-президенттің қызы өзінің қаржылық кеңесшілеріне берген талап-арызынан белгілі болды.
Сонда Назарбаева қазақстандық компаниялардың акцияларын сатудан $325 млн алғанын және $312 млн «Лихтенштейннен Британдық Виргин аралдарына дейінгі» офшорлық трасттар мен компаниялар желісіне аударғанын мәлімдеген.