Құмар ойындарына қатысуды ерікті түрде шектеу қызметін eGov порталы арқылы 463 829 қазақстандық пайдаланды. Билік лудоманиямен күрес бойынша қосымша шаралар туралы да хабарлады.
БИЛІК ҚАНДАЙ ДЕРЕКТЕРДІ ЖАРИЯЛАДЫ
Бұл туралы премьер-министр Олжас Бектенов лудоманиямен күрес жұмысы аясындағы шаралар туралы баяндап, Telegram-каналы «За нами уже выехали» хабарлайды.
Құмар ойындарына қатысуды шектеу қызметін 463 829 Қазақстан азаматы пайдаланды. Оның 224 793 шектеуі әлі де жалғасуда.
ҚАНДАЙ ШЕКТЕУЛЕР ҚАЗІРДЕН БАСТАП ҚОЛДАНЫСТА
Олжас Бектеновтың айтуынша, Қазақстанда борышкерлер, мемлекеттік қызметшілер, әскери қызметшілер және құқық қорғау органдарының қызметкерлері үшін құмар ойындарына қатысуға тыйым салынған.
Сонымен қатар, елде букмекерлік кеңселердің жарнамасы шектеліп, құмар ойындарының жарнамасы бар SMS-хабарламаларға тыйым салынды. Ерікті түрде шектеу мерзімі 10 жылға дейін ұзартылды.
ЗАҢСЫЗ КАЗИНОЛАРҒА ҚАРСЫ ҚАНДАЙ ШАРАЛАР ҚАБЫЛДАНДЫ
Премьер-министрдің хабарлауынша, «Кибернадзор» жүйесінің көмегімен Қазақстанда 55 мыңнан астам заңсыз интернет-казино бұғатталды.
Сондай-ақ, ел бойынша букмекерлік компаниялардың 2 мыңнан астам жарнама қондырғысы демонтаждалды.