Көкшетау қаласының прокуратурасы мектептердің бірін күрделі жөндеу жобасының құнын 1,5 млрд теңгеге асыра бағалауды анықтады. Тексеруден кейін мемлекеттік сатып алу жойылып, жобаның құны төмендетілді.
ТЕКСЕРУ НЕНІ АНЫҚТАДЫ
Көкшетау қаласының прокуратурасы бюджеттік заңнаманың және мемлекеттік сатып алу туралы заңнаманың сақталуына, оның ішінде мемлекеттік қаражатты жұмсау тиімділігі бөлігінде талдау жүргізді.
Тексеру кезінде қала аумағында мектептердің бірін күрделі жөндеу жұмыстарын сатып алу жоспарланғаны анықталды. Жобаның жалпы сомасы 1,5 млрд теңгені құрады.
ЖОБА ҚҰНЫ НЕЛІКТЕН ҚАЙТА ҚАРАЛДЫ
Жобалық-сметалық құжаттаманы зерделеу кезінде прокуратура қызметкерлері жоба құнының асыра бағаланғанын анықтады. Бұл түзету коэффициентін дұрыс қолданбаумен байланысты болды.
Қадағалау органының мәліметінше, қателік құрылыс құнының жасанды түрде өсуіне әкелді.
ҚАНДАЙ ШЕШІМ ҚАБЫЛДАНДЫ
Көкшетау қаласы прокуратурасының актісі бойынша мемлекеттік сатып алу жойылды. Осыдан кейін жобаның құны төмендетілді.
Прокуратурада хабарлағандай, қабылданған шаралар бюджет қаражатын тиімсіз жұмсаудың алдын алуға мүмкіндік берді.